Кыргыз Республикасы
Ош облусу
Алай району
Конур-Дөбө Айылдык Кеңеши
Кыргызская Республика
Ошская область
Алайский район
Конур-Дюбинский Айыльный Кеңеш
Коңур-Дөбө айылдык Кенешинин 6-чакырылышынын кезексиз 28 отурумунун
ТОКТОМУ
Боз-Караган айылы
№28/1
28-декабрь 2023-жыл
Алай районунун Коңур-Дөбө айыл өкмөтүнүн Кара-Шоро айылында жайгашкан 2 (эки) га алма бакты Алай райондук агрардык өнүктүрүү башкармалыгы (АӨБ) тарабынан 13.02.2023-жылы өткөрүлгөн конкурстун жыйынтыгында утукка ээ болгон Жээнбеков Жыргалбек Субановичтин арызын кароо жөнүндө
Алай райондук агрардык өнүктүрүү башкармалыгы (АӨБ) тарабынан 13.02.2023-ж. өткөрүлгөн конкурстун жыйынтыгында тиешелүү комиссиянын чыгарган чечиминин негизинде жеңүүчү деп аныкталган Ж.С. Жээнбековго ижара шартында иштететүүгө берилген 2 (эки) га алма багы 1972-жылы эгилип, мөмө берүүчү бак-дарактардын баары көп жылдык илдеттен жабыркап, куурап, өсүү процессин токтоткондугуна жана бак-дарактар эскиргедигине, куураган абалга келгендигине байланыштуу жана Ош мамлекеттик университетинен (ОшМУ) түзүлгөн эскперттик комиссиянын 25.12.2023-ж. №487 сандуу илимий пикирин эске алып, Конур-Дөбө айылдык кенеши
токтом кылат:
- Кара-Шоро айылындагы көп жылдык алма бак 1972- жылы отургузулуп, дарактар жугуштуу илдетке кабылып, ботаникалык өсүүсүн токтотуп, эскиргенине жана дээрлик бары куураган абалга келгендигине байланыштуу, бакты түп тамырынан бери жулуп алып, тазалоого жана бошотулган жер аянтына жаш көчөттөрдү отургузууга уруксат берилсин.
- 04.11.2022-ж.түзүлгөн Актыдагы 796 контурунда көрсөтүлгөн бактын жалпы жер аянты 2.50 (эки гектар элүү сотых,анын ичинен Савай каналына тиешелүү 0.20 сотых жер тилкеси калтырылат ) болуп, 2.30 га жери ижара шарты менен пайдаланууга берилсин.
- Бактагы көп жылдык дарактарды түп тамырынан бери жулуп тазалоо иштерин аткаруу үчүн экологиялык багытта иш алып барган тиешелүү мамлекеттик мекемеден корутунду жана уруксат алуу жагы Коңур-Дөбө айыл өкмөтү тарабынан суралсын.
- Ижарачы бактагы көп жылдык дарактарды түп тамырынан бери жулуу, тазалоо, тегиздөө, жер участкасын айдоо, мала салуу ж.б.у.с. комплекстүү жумуштарды аткарып бүткөнгө чейин, аны Коңур-Дөбө айыл өкмөтүнүн менчигиндеги айыл-чарба техникалары жана 200 (эки жүз) литр күйүүчү май (ГСМ) менен өз убагында камсыздап, акы албастан кызмат көрсөтүү жагы Коңур-Дөбө айыл өкмөтүнө милдеттендирилсин.
- Ижарачы Ж.С.Жээнбеков Кара-Шоро айылындагы алма бактагы көп жылдык дарактарды кескенден пайда болгон отундарды сатып, түшкөн акча каражатына алма бакты кайра калыбына келтирүүгө жумшасын.
- Токтомдун аткарылышын көзөмөлгө алуу Коңур- Дөбө айыл өкмөтүнүн жер адиси К.Пасаңовго жүктөлсүн.
Төрага:
Т. Бекматов
Кыргыз Республикасы
Ош облусу
Алай району
Конур-Дөбө Айылдык Кеңеши
Кыргызская Республика
Ошская область
Алайский район
Конур-Дюбинский Айыльный Кеңеш
Конур-Дөбө айылдык кенешинин 6-чакырылышынын кезексиз 28-отурумунун
ТОКТОМУ
Боз-Караган айылы
№28/2
28-декабрь 2023-жыл
№24 Арпа-Тектир орто мектебинин атын маркум Камчыбек Аматовдун атына ыйгаруу жөнүндөгү Арпа-Тектир айылынын тургундарынын токтомун бекитүү жөнүндө
Коңур-Дөбө айыл өкмөтүнө караштуу Арпа-Тектир айылынын жалпы элдик чогулушунун 2023-жылдын 22-декабрындагы №6 токтомунун жана Кыргыз Республикасынын Өкмөтүнүн 2008-жылдын 19-августундагы № 467 сандуу “Кыргыз Республикасынын Өкмөтүнүн алдындагы Админстрациялык аймактык түзүлүштүн маселелерин жана географиялык аталыштарын кароо боюнча ведомостволор аралык комиссия жөнүндө” токтомунун талаптарына ылайык Конур-Дөбө айылдык кенеши
токтом кылат:
1.Коңур-Дөбө айыл өкмөтүнө караштуу Арпа-Тектир айылынын жалпы элдик чогулушунун 2023-жылдын 22 -декабрындагы № 6 токтому бекитилсин.
2. Арпа-Тектир айылына караштуу №24 Арпа-Тектир атындагы орто мектебинин аты өзгөртүлүп, №24 Камчыбек Аматов атындагы орто мектеби болуп аталсын.
3. Арпа-Тектир айылына караштуу №24 Арпа-Тектир атындагы орто мектебинин аталышы өзортүлүп,№24 Камчыбек Аматов атындагы орто мектеби болуп аталуусу боюнча тиешелүү иш кагаздарын өзгөртүп юстициялык жактан бүткөрүү тиешелүү жактардан суралсын.
4.Токтомдун аткарылышын көзөмөлгө алуу туруктуу комиссияга тапшырылсын.
Төрага:
Т. Бегматов
Кыргыз Республикасы
Ош облусу
Алай району
Конур-Дөбө Айылдык Кеңеши
Кыргызская Республика
Ошская область
Алайский район
Конур-Дюбинский Айыльный Кеңеш
Конур-Дөбө айылдык кенешинин 6-чакырылышынын кезексиз 28-отурумунун
ТОКТОМУ
Боз-Караган айылы
№28/3
28-декабрь 2023-жыл
Арпа-Тектир айылындагы айылдык маданият үйүн ремонтоо үчүн демилгелүү топтун сунуш кылган долбоору жөнүндө
Коңур-Дөбө айыл өкмөтүнө караштуу Арпа-Тектир айылындагы айылдык маданият үйүн ремонттоо үчүн демилгелүү топтун сунуш кылган долбооруна ылайык өздүк салым кошуу жөнүндөгү долбоорду карап чыгып, Кыргыз Республикасынын Өкмөтүнүн 2015-жылдын 21-апрелиндеги № 230 токтомуна негизденип Коңур-Дөбө айылдык кеңеши
токтом кылат:
- Коңур-Дөбө айыл өкмөтүнө караштуу Арпа-Тектир айылындагы айылдык маданият үйүн капиталдык ремонтоого байланыштуу демилгелүү топтун сунуш кылган долбооруна ылайык өздүк салым кошуу жөнүндөгү долбоорду карап чыгып,үлүштүк (дем берүүчү) гранттын эсебинен ишке ашыруу үчүн жазылган жалпы 4 008.9 млн. сомдук долбоордо көрсөтүлгөн өздүк салымы 300 000 сомдук өздүк салымды Коңур-Дөбө айыл өкмөтүнүн 2024-жылдын бюджетинен бөлүп берүү сунушталсын.
- Кабыл алынган токтомдун аткарылышын камсыз кылуу айыл өкмөттүн башчысы Г.М.Мадаевге жүктөлсүн.