Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык Кеңешинин 7-чакырылышынын кезектеги 17-отурумунун
ТОКТОМУ
13.11.2025 №17/1
Боз-Караган айылы
Аксакалдар сотторунун регламентин бекитүү жөнүндө
Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 5-главасынын 60-беренесине ылайык Курманжан Датка айылдык кеңеши токтом кылат:
- Аксакалдар сотторунун регламенти тиркемеге ылайык бекитилсин.
- Курманжан Датка айыл өкмөтү Аксакалдар сотторунун регламентин ушул токтомдун 2-пунктунда сунушталган тартипте иштеп чыгууга, кабыл алууга көмөктөшсүн.
- Курманжан Датка айыл өкмөтү Аксакалдар сотторунун регламентинин негизинде айыл аймактарынын аксакалдар сотторунун регламентин иштеп чыгып, кабыл алынуусу жана аксакалдар соттору иш (материалдарды) кароону регламентте каралган жол-жоболорго ылайык жүргүзүүсүнө мезгил-мезгили менен мониторинг жургүзүп турсун.
- Бул токтом kurmanjan-datka.gov.kg сайтына жарыялансын.
- Токтом жарыяланган күндөн тартып үч жумушчу күн ичинде эки нускада жарыялоонун булактары жөнүндө маалыматты көрсөтүү менен Кыргыз Республикасынын ченемдик укуктук актылардын мамлекеттик реестрине киргизүү үчун түштүк регионалдык Юстиция башкармалыгына жиберилсин.
- Бул токтомдун аткарылышын көзөмөлдөө жагы жооптуу катчы Г. Кимсанбай кызына тапшырылсын.
Төрага:
Д. Камчыбек уулу
Тиркеме
Курманжан Датка айылдык кеңешинин кезектеги
7-чакырылышынын 17-отурумунун
2025-ж. “13”ноябрындагы
№ 17/1 токтомуна
Аксакалдар сотторунун
РЕГЛАМЕНТИ
I . Жалпы жоболор
1. Бул Регламент Кыргыз Республикасынын Конституциясына, “Аксакалдар соттору жөнүндө” Кыргыз Республикасынын Мыйзамына (мындан ары – Мыйзам), Кыргыз Республикасынын башка мыйзамдарына ылайык аксакалдар сотторунун ыйгарым укуктарын жүзөгө ашыруу боюнча ишин уюштуруунун эрежелерин белгилейт.
2. Аксакалдар соттору – ыктыярдуу жана жергиликтүү коомчулуктун колдоосунда, шайлануунун жана өз алдынча башкаруунун негизинде түзүлүүчү, Мыйзамда белгиленген тартипте жана учурларда жарандардын, жарандар менен юридикалык жактардын ортосундагы талаш-тартыштар жөнүндө иштерди (материалдарды) кароону жүзөгө ашырууга чакырылган коомдук орган.
3. Аксакалдар соттору Мыйзамда аныкталган тартипте айыл аймактарында жарандардын чечими боюнча уюштурулат.
4. Аксакалдар сотторунун ишинин укуктук негизин Кыргыз Республикасынын Конституциясы, аталган Мыйзам жана Кыргыз Республикасынын башка ченемдик укуктук актылары түзөт.
Аксакалдар соттору өзүнүн ишинде Кыргыз Республикасынын мыйзамдарына каршы келбеген, Кыргызстан калкынын тарыхый калыптанган салттарынан жана үрп-адаттарынан келип чыккан моралдын жана адеп-ахлактын ченемдерин жетекчиликке алат.
5. Аксакалдар сотторуна Мыйзам менен жарандардын бузулган же талашып жаткан укуктарын, мыйзамдуу кызыкчылыктарын коргоо же аларды жараштыруу; мыйзамдуулукту бекемдөөгө, укук тартибин сактоого көмөктөшүү, социалдык чыр-чатактарды баштапкы этабында жоюуга катышуу; жарандарды мыйзамдарды, моралдын ченемдерин, адеп-ахлакты, Кыргыз Республикасынын элинин мыйзамдарга карама-каршы келбеген үрп-адаттарын жана салттарын урматтоого тарбиялоо милдеттери жүктөлгөн.
6. Аксакалдар соттору ушул Регламенттин 5-пунктунда көрсөтүлгөн милдеттерди чечүүдө ынандыруу, коомдук таасир этүү, тараптарды жараштырууга жетишүү жана Кыргыз Республикасынын мыйзамдарына карама-каршы келбеген адилеттүү чечим чыгаруу жолу менен иш алып барат.
7. Аксакалдар сотторунун актылары чечим жана аныктама түрүндө чыгарылат. Аксакалдар соттору каралган иштин маңызы боюнча чечим, ал эми териштирүүнүн жүрүшүндө чечүүнү талап кылган айрым маселелер боюнча аныктама кабыл алышат.
Чечимге аксакалдар сотунун төрагасы же төрагалык кылуучу кол коёт. Аныктама аксакалдар сотунун жыйыны учурунда кабыл алынса, аныктамага аксакалдар сотунун төрагасы же төрагалык кылуучу кол коёт, аныктама материалды аксакалдар сотунун жыйналышында кароого даярдоо учурунда кабыл алынса, аныктамага материалды аксакалдар сотунун жыйналышында кароого даярдоо жүргүзгөн аксакалдар сотунун мүчөсү кол коёт.
8. Аксакалдар сотунун чечимдери жана аныктамалары, аксакалдар сотунун жыйналыштарынын протоколдору аксакалдар сотунун төрагасы, аксакалдар сотунун мүчөлөрү менен макулдашуунун негизинде, аксакалдар сотунун иш кагаздарын жүргүзүүгө жооптуу болуп аныктаган аксакалдар сотунун мүчөсү (мындан ары – катчы) тарабынан таризделет.
2. Иштерди (материалдарды) кароого даярдоо
9. Аксакалдар сотторунун кароосуна келип түшкөн бардык материалдар (иштер жана арыздар) келип түшкөн күнү атайын журналга катчы тарабынан катталат.
10. Аксакалдар соту иштерди (материалдарды) жазуу жүзүндөгү (электрондук) кайрылуу катталган күндөн тартып 14 жумушчу күндө карайт.
11. Аксакалдар сотунун төрагасы же төраганын тапшырмасы менен аксакалдар сотунун мүчөсү келип түшкөн иш (материалдар) менен 5 календардык күндүн ичинде алдын ала таанышып чыгып, Мыйзамдын 7, 19 жана 22-беренелеринин талаптарын эске алып, аксакалдар сотунун компетенциясына кирер-кирбесин, ушул ишти аксакалдар сотунун кароо мүмкүнчүлүгүн жокко чыгаруучу жагдайлар бар же жок экендигин, олуттуулугу боюнча ишти кароо үчүн андагы материалдардын жетиштүүлүгү тууралу корутунду түзөт.
Корутундуда иштин иш жүзүндөгү жагдайлары, аксакалдар сотунун кароосуна тартылып жаткан адамдын ким экени жөнүндө маалыматтар жана аксакалдар сотунун өндүрүшүнө кабыл алуу же аны кайтарып берүүнүн негиздерин көрсөтүү менен кайтарып берүү жөнүндө сунуш көрсөтүлөт.
12. Корутунду аксакалдар сотунун жыйналышында каралат. Анын жыйынтыгы менен төмөнкүдөй чечим ( аныктама) кабыл алынат:
- иш (материал) тиешелүү аксакалдар сотунун компетенциясына тиешелүү болуп, кошумча материалдарды суратуунун зарылдыгы жок болсо ишти өндүрүшкө алуу жөнүндө;
Ишти (материалдарды) кароо күнү, убактысы, орду жана катышуучулары аксакалдар сотунун төрагасы тарабынан аныкталат. Катышуучуларга кабарлоо күн мурунтан, бирок кеминде 3 күн мурда жүргүзүлөт;
- иш (материал) аксакалдар сотунун компетенциясына кирбеген же ал аксакалдар сотунун кароосуна жатпаган учурда кайтарып берилет;
- ишти кароого алуудан баш тартуу жөнүндө аныктама кабыл алынат жана арыз ээсине жазуу жүзүндө жооп жиберилет;
- кошумча материалдарды суратып алуу жана аларды иликтөө зарыл болгон учурда ишти (материалдарды) кароо мөөнөтү 30 күнгө чейин узартылат.
13. Аксакалдар сотунун жыйналышында ишти (материалды) кароонун кароо күнү, убактысы, орду жана катышуучулары аксакалдар сотунун төрагасы тарабынан аныкталат.
Катышуучуларга кабарлоо күн мурунтан, бирок кеминде 3 күн мурда жүргүзүлөт.
Кайтарылып берилген материалдардын ээлерине себебин көрсөтүү менен жооп, мөөнөтү узартылган кайрылуу ээлерине себебин көрсөтүү менен билдирүү жиберилет.
14. Ишти (материалдарды) кароо 18 жашка чейинки адамдарга байланыштуу болгондо аксакалдар соту алардын мыйзамдуу өкүлдөрүн (ата-энесин, көзөмөлчүсүн, камкорчусун, алар жок болгондо балдарды коргоо боюнча ыйгарым укуктуу органдын кызматкерлерин), алардын мыйзамдуу кызыкчылыктарын коргоо үчүн ишти олуттуу кароо боюнча отурумдун убактысы жана орду тууралуу кабарландырат.
Аксакалдар сотуна он сегиз жашка толо элек адамдарды алардын мыйзамдуу өкүлдөрүсүз чакырууга, тарап (арыз ээси, жоопкер) жана күбө катары катышуусуна жол берилбейт.
3. Аксакалдар сотторунун иштерди (материалдарды) кароосунун тартиби
15. Аксакалдар соту иштерди (материалдарды) өздөрүнүн жыйналышында карайт. Аксакалдар сотунун жыйналышы зарылчылыгына, материалдардын келип түшүшүнө жана кароого даяр болушуна жараша өткөрүлөт.
16. Аксакалдар сотторунда териштирүү ачык жүргүзүлөт.
Аксакалдар соту тараптардын биринин өтүнүчү боюнча, 18 жашка толо элек адамдардын жашоосунун жеке жактары жөнүндө маалыматтардын ачыкка чыгышына жол бербөө максатында үй-бүлөлүк талаш-тартыштар, ошондой эле жеке жана башка мүнөздөгү сырды камтыган башка иштер боюнча териштирүүнү жабык жыйналышта жүргүзөт.
17. Мыйзамдын 10-беренесинде аныкталгандай, аксакалдар сотторунун өндүрүшү мамлекеттик же расмий тилдерде жүргүзүлөт.
Аксакалдар соту тараптардан ар кандай жазуу жүзүндөгү материалдарды иш каралып жаткан тилге которууну талап кыла алат.
Ишке катышып жаткан жана аксакалдар сотунун жыйналышы жүргүзүлүп жаткан тилди билбеген жактар котормочунун (сурдокотормочунун) кызматынан пайдалана алышат. Котормочунун катышуусун өтүнмө берген тарап камсыз кылат.
18. Аксакалдар соту иштерди анын мүчөлөрүнүн курамынын көпчүлүгү болгондо кароого укуктуу.
19. Аксакалдар сотунун катчысы жыйын башталганга чейин паспортун же өздүгүн тастыктоочу башка документин текшерүү менен жыйналышка катышуучу жактардын, чакырылган күбөлөрдүн ж.б. катышуучулардын келип-келбегендигин тактайт жана төрагага кабарлайт.
20. Аксакалдар сотунун төрагасы/төрагалык кылуучу жыйналышты ачат, соттун курамын тааныштырат, карала турган ишти (материалды) жарыялайт.
21. Жыйын ачылгандан кийин төрагалык кылуучу аксакалдар сотуна чакырылган адамдардын келгендигин тастыктайт, процесстин тараптарына жана башка катышуучуларына алардын укуктарын түшүндүрөт, андан кийин аларда аксакалдар сотунун курамы боюнча четтетүү жана өтүнмөлөр бар-жогун, ал эми мүлктүк, үй-бүлөлүк, жарандык, турак жай, жер мамилелери боюнча талаш-тартыштар жагынан алардын иштерин аксакалдар соту кароосуна тараптардын макулдугун аныктайт.
22. Аксакалдар соту жыйынына катышып жаткан адамдардан кошумча материалдарды талап кылуу жөнүндө жана аксакалдар сотунун компетенциясына кирген башка маселелер боюнча күбөлөрдү чакыруу жөнүндө өтүнмөлөрүн ордунда отуруп кеңешүү менен чечет. Чечим катышуучуларга жарыяланат.
23. Аксакалдар сотунун жыйынына катышып жаткан адамдар аксакалдар сотунун айрым мүчөлөрүн четтетүү, кошумча материалдарды талап кылуу жөнүндө жана аксакалдар сотунун компетенциясына кирген башка маселелер боюнча күбөлөрдү чакыруу жөнүндө өтүнмөлөрдү билдирүүгө укуктуу.
Жыйынга катышып жаткан адамдардын аксакалдар сотунун айрым мүчөлөрүн четтетүү жана аксакалдар сотторунун өзүн-өзү четтетүү боюнча кайрылуусу өзүнчө бөлмөдө, ишти маңызы боюнча кароо башталганга чейин Мыйзамдын 27-беренесине ылайык чечилет жана жыйналыштын катышуучуларына билдирилет.
Аксакалдар соту кошумча материалдарды талап кылуу жөнүндө жана күбөлөрдү чакыруу жөнүндө өтүнмөлөрдү ордунда отуруп кеңешүү менен чечет жана ошол замат жарыялайт.
24. Четтетүүлөр жана өтүнмөлөр жөнүндө маселе чечилгенден кийин төрагалык кылуучу маңызы боюнча иштин жагдайларын баяндайт.
25. Төрагалык кылуучу тараптарга ишти маңызы боюнча кароонун ар кандай этабында тараптар үчүн өз ара алгылыктуу макулдашууну кабыл алуу аркылуу жарашуу мүмкүнчүлүгү жөнүндө эскертет.
26. Андан кийин сот арыз ээсинин жана анын тарабында иштин жыйынтыгына кызыкдар болгон жактардын, жоопкердин жана анын тарабында катышкан иштин жыйынтыгына кызыкдар жактардын, ошондой эле ишке катышып жаткан башка жактардын түшүндүрмөлөрүн угат, иш боюнча берилген материалдарды изилдейт.
27.Аксакалдар соту иш боюнча кандайдыр бир кошумча маалыматты же маалыматтарды алуу зарыл болгон учурда каралып жаткан иштин (материалдын) маңызы боюнча чечим чыгарбастан, жыйналышты кийинкиге калтырууга же аны башка мөөнөткө жылдырууга укуктуу.
28. Процесстин катышуучулары тарабынан толуктоолор жок болгон учурда, төрагалык кылуучу ишти кароонун аяктаганын жарыялайт.
4. Аксакалдар сотунун чечим чыгаруусу
29. Аксакалдар сотунун курамы ордунда кеңешип же өзүнчө бөлмөгө чыгып, ишти кароого катышкан аксакалдар сотунун мүчөлөрүнүн көпчүлүгүнүн добушу менен чечим кабыл алат. Чечим жыйында изилденген далилдерге гана негизделиш керек.
30. Аксакалдар сотунун чечиминин резолюциялык бөлүгү жазуу жүзүндө түзүлөт, ага ишти кароого катышкан аксакалдар сотунун бардык мүчөлөрү колтамга коёт,
шол эле жыйында аксакалдар сотунун бардык мүчөлөрүнүн жана тараптардын катышуусунда жарыяланат.
Чечимге макул болбогон аксакалдар сотунун мүчөсү өзүнүн өзгөчө пикирин жазуу жүзүндө баяндайт. Аксакалдар сотунун мүчөсүнүн өзгөчө пикири ишти маңызы боюнча чечүүгө таасир этпейт, бирок ал чечимге тиркелүүгө тийиш.
Аксакалдар соту ишке кароого катышкан жактар жана алардын өкүлдөрү жүйөлөнгөн чечим (жазуу жүзүндө) менен качан тааныша ала турганынын дагы жарыялоого милдеттүү.
31. Аксакалдар сотунун чечими Мыйзамдын 32-беренесине ылайык таризделет.
Чечим жарыяланганга чейин төрагалык кылуучу жана аксакалдар сотунун мүчөлөрү колтамга коёт.
32. Аксакалдар сотунун чечими, эгерде ал даттанылбаса, чыгарылган күндөн тартып 10 күн өткөндөн кийин мыйзамдуу күчүнө кирет.
33. Кабыл алынган чечимдер жөнүндө аксакалдар соту 10 күндүк мөөнөттө арыз ээсине, материалды жөнөткөн органга (кызмат адамына) билдирүүгө милдеттүү.
34. Мыйзамдын 34-беренесинде көрсөтүлгөндөй, аксакалдар сотунун чечими төмөндөгү таасир көрсөтүү чараларынын бирин дайындоо менен же ансыз кабыл алынышы мүмкүн:
1) коомдук эскертүү берүү;
2) эл алдында кечирим суроого милдеттендирүү;
3) коомдук сөгүш жарыялоо;
4) келтирилген зыяндын ордун толтурууга милдеттендирүү;
5) эгерде чечимди аткарууда ыйгарылган мүлк жок болсо, жоопкерден өндүрүп алынууга тийиш болгон мүлктүн наркын көрсөтүү менен мүлктү натуралай берүү.
Коомдук таасир көрсөтүү чараларынын жогоруда белгиленген тизмеси толук делип эсептелинет жана аксакалдар соту тарабынан кеңири чечмеленүүгө жатпайт.
5. Аксакалдар сотторунун чечимдерине даттануунун жана аларды аткаруунун тартиби
35. Аксакалдар сотунун чечими чечимде көрсөтүлгөн мөөнөттө аткарылууга тийиш. Аксакалдар соту чечимдердин аткарылышына көзөмөл жүргүзүп турат (кат жиберүү, чакырып сүйлөшүү ж.б. бардык аракеттери протоколдоштурулат.).
36. Жоопкер аксакалдар сотунун чечиминде аныкталган тартипте жана мөөнөттө аксакалдар сотунун чечимин аткарбаган учурда, аксакалдар соту чечим анын пайдасына кабыл алынган адамга аксакалдар сотунун чечимин мажбурлап аткартуунун аткаруу баракчасын берүү жөнүндө сотко кайрылууну сунуштайт.
37. Аксакалдар сотунун чечими пайдасына чыгарылган тараптын райондук же шаардык сотко аксакалдар сотунун чечимин мажбурлап аткартууга аткаруу баракчасын берүү жөнүндө Мыйзамдын 4-беренесине ылайык жазылган арызы төмөнкү документтерди тиркөө менен, арыз түшкөн күндөн тартып 5 жумушчу күндүн ичинде жиберилет:
1) аксакалдар сотунун чечиминин талаптагыдай түрдө күбөлөндүрүлгөн көчүрмөсү;
2) аксакалдар сотунун чечимин аткарбагандыгын ырастаган документтер;
3) аксакалдар сотунун чечимин мажбурлап аткартууга аткаруу баракчасын берүү жөнүндө арыздын көчүрмөсү башка тарапка жөнөтүлгөнүн ырастаган тапшыруу жөнүндө билдирүү же башка документ;
4) арызга колтамга коюуга өкүлдүн ыйгарым укуктарын ырастаган ишеним кат же башка документ.
6. Аксакалдар сотторунун башка органдар менен өз ара мамилеси
38. Аксакалдар соттору өз ыйгарым укуктарынын жергиликтүү өз алдынча башкаруу маселелери боюнча ыйгарым укуктуу мамлекеттик органга методикалык жана консультациялык колдоо көрсөтүү өтүнүчү менен кайрыла алат.
39. Аксакалдар соттору Мыйзамдын 6-беренесинде аларга таандык болгон функцияларды жүзөгө ашырууда ички иштер органдары, прокуратура органдары жана башка укук коргоо органдары, ошондой эле жергиликтүү өз алдынча башкаруу органдары менен кызматташат.
7. Аксакалдар сотторунун ишин каржылоо, материалдык-техникалык жактан камсыз кылуу
40. Кыргыз Республикасынын Конституциясынынын 115-беренесине, Кыргыз Республикасынын Бюджеттик кодексинин 51-беренесинин 1-бөлүгүнүн 2-пунктуна ылайык аксакалдар сотторунун ишмердүүлүгү жергиликтүү бюджеттен каржыланат.
41. Мыйзамдын 38-беренесине ылайык, жергиликтүү өз алдынча башкаруу органдары аксакалдар сотторунун толук кандуу иштешин камсыз кылуу үчүн аларга зарыл болгон заманбап жабдуулар менен жабдылган өзүнчө жайды (бөлмөлөрдү) бөлүп берет.
42. Жергиликтүү өз алдынча башкаруу органдары аксакалдар сотторунун мүчөлөрүнө жергиликтүү бюджеттин каражаттарынын, ар кандай юридикалык жана жеке жактардын демөөрчүлүк жардамынан түшкөн каражаттардын, Кыргыз Республикасынын мыйзамдарында тыюу салынбаган бюджеттен тышкаркы башка акчалай жана материалдык каражаттардын эсебинен ар кандай жеңилдиктерди жана материалдык сыйлыктарды берүүнү карайт.
а) аксакалдар сотунун отурумуна катышуусу зарыл болгон адамдарды, аксакалдар соту менен макулдашуу боюнча, өзүнүн кызматкерлерин, тиешелүү мекеме-ишканалардын кызматкерлерин чакырууга жана катыштырууга көмөк көрсөтөт;
б) аксакалдар сотунун ишмердүүлүгүнүн мөөнөтү аяктаганда жана аксакалдар сотунун өтүнүчү боюнча андан башка учурда аксакалдар сотунун документтерин кабыл алат жана сактап турат.
8. Аксакалдар сотторунун отчеттуулугу жана
документтерди сактоо тартиби
43. Аксакалдар соттору каралган иштердин (материалдардын) статистикалык эсебин жүргүзөт.
44. Аксакалдар соттору өз иштери жөнүндө жылына бир жолудан кем эмес тиешелүү аймактагы жергиликтүү коомдоштуктун алдында отчет, жергиликтүү өз алдынча башкаруу органдарына жана аксакалдар сотторунун кеңешине (эгерде болсо) өзүнүн иши жөнүндө маалымат берет.
45. Аксакалдар соттору өз иштери жөнүндө маалыматты тиешелүү аймактын жергиликтүү өз алдынча башкаруу органдарынын сайтына мезгил-мезгили менен жарыялап турат.
46. Аксакалдар сотторуда документтерди сактоо Мыйзамдын 41-беренесинде аныкталган тартипте жүргүзүлөт.
Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык Кеңешинин 7-чакырылышынын кезектеги 17-отурумунун
ТОКТОМУ
13.11.2025 №17/2
Боз-Караган айылы
Кабылан-Көл айылындагы кичи футбол аянтчасына жооптуу адамдарды дайындоо жана аталган аянтчага тарифтерди бекитип берүү жөнүндө
Кабылан-Көл айылынын жарандарынын сунушу менен жана Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 3-главасынын 34-беренесине ылайык Курманжан Датка айылдык кеңеши токтом кылат:
- Кабылан-Көл айылындагы кичи футбол аянтчасына жооптуу болуп-Акылбеков Баястан Акылбекович жана Кулов Уланбек Сагынбекович дайындалсын.
- Кичи футбол аянтчасын пайдаланууга төмөндөгүдөй тариф менен бекитилсин:
- иш чараларга-1000 сом;
- окуучулар үчүн – саат 08:00дөн-17:00гө чейин бекер;
- жергиликтүү жарандарга – 1 саатына -200 сом;
- Бул токтом kurmanjan-datka.gov.kg сайтына жарыялансын.
- Токтом жарыяланган күндөн тартып үч жумушчу күн ичинде эки нускада жарыялоонун булактары жөнүндө маалыматты көрсөтүү менен Кыргыз Республикасынын ченемдик укуктук актылардын мамлекеттик реестрине киргизүү үчүн түштүк регионалдык Юстиция башкармалыгына жиберилсин.
- Бул токтомдун аткарылышын көзөмөлдөө жагы жооптуу катчы Г. Кимсанбай кызына тапшырылсын.
Төрага:
Д. Камчыбек уулу
Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык Кеңешинин 7-чакырылышынын кезектеги 18-отурумунун
ТОКТОМУ
24.11.2025 №18/1
Боз-Караган айылы
Жергиликтүү бюджеттин максаттуу пайдаланышынын жана киреше бөлүгүн толтуруу максатында айыл өкмөтүнүн салыктын түрлөрүнөн жана кайра бөлүштүрүү фондусундагы жерлерди ижарага берүүдө түшүүчү ижара акыларынын өндүрүлүшүнүн абалы жөнүндө 9 айга карата аткарылган маалыматтары жөнүндө
Бюджет жана экономикалык маселелер боюнча туруктуу комиссиясынын билдирүүсүн карап чыгып талкуулап, “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 34-беренесине ылайык Курманжан Датка айылдык кеңеши токтом кылат:
- Жергиликтүү бюджеттин максаттуу пайдаланышынын жана киреше бөлүгүн толтуруу максатында айыл өкмөтүнүн салыктын түрлөрүнөн жана кайра бөлүштүрүү фондусундагы жерлерди ижарага берүүдө түшүүчү ижара акыларынын өндүрүлүшүнүн абалы жөнүндө 9 айга карата аткарылган иштери боюнча толук маалыматтар болбогондуктан 2025-жылдын жыл жыйынтыгы менен берүү жагы каралсын.
- Жергиликтүү бюджеттин максаттуу пайдаланышынын аткарылышы боюнча толук маалымат алынбагандыктан айылдык кеңешинин депутаттарынын сунушу менен Курманжан Датка айыл өкмөтүнө Эсептөө палатасынын аудиттерин чакырып текшертүү жагы суралсын.
- Кабыл алынган токтомдун аткарылышын камсыз кылуу жагы айыл өкмөтүнүн башчысы Ж. Орозбай уулуна милдеттендирилсин.
- Ушул токтомдун аткарылышын көзөмөлдөө айылдык кеңештин бюджет жана экономикалык маселелер боюнча туруктуу комиссиясына жүктөлсүн.
- Бул токтом kurmanjan-datka.gov.kg сайытына жарыяланган күндөн тартып мыйзамдуу күчүнө кирет.
- Токтом мамлекеттик тилде гана кабыл алынды.
Төрага:
Д. Камчыбек уулу
Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык Кеңешинин 7-чакырылышынын кезектеги 18-отурумунун
ТОКТОМУ
24.11.2025 №18/2
Боз-Караган айылы
Айыл аймактардагы ички жана борбордук көчө жарыктарынын абалы жөнүндө
Бюджет жана экономикалык маселелер боюнча туруктуу комиссиясынын билдирүүсүн карап чыгып талкуулап, “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 2-бөлүгүнүн 2) жана 4) бөлүкчөлөрүнө ылайык Курманжан Датка айылдык кеңеши токтом кылат:
- Курманжан Датка айыл аймагынын көчө жарыктарынын абалы боюнча аткарган иштери канааттандырарлык деп табылсын.
- Көчө жарыктарынын абалы тууралуу иштердин кемчиликтерин жоюу жана берилген билдирүүлөр, 2025-жылдын жылдын жыйынтыгында берүү жагы айыл өкмөтүнүн айыл башчыларына жана СЭӨП бөлүмүнө жүктөлсүн.
- Токтомдун аткарылышын көзөмөлдөө айылдык кеңештин Бюджет жана экономикалык маселелер боюнча туруктуу комиссияларына тапшырылсын.
- Бул токтом http://kurmanjan-datka.gov.kg сайытына жарыяланган күндөн тартып мыйзамдуу күчүнө кирет.5.Токтом мамлекеттик тилде гана кабыл алынды.
Төрага:
Д. Камчыбек уулу
Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык Кеңешинин 7-чакырылышынын кезектеги 18-отурумунун
ТОКТОМУ
24.11.2025 №18/3
Боз-Караган айылы
Элди ичүүчү жана сугат суу менен камсыз кылуу маселелери боюнча “Курманжан Датка таза суу, тазалык, жайыт жана көрктөндүрүү” муниципалдык ишканасынын аткарып жаткан иштери жөнүндө
Курманжан Датка таза суу, тазалык, жайыт жана көрктөндүрүү” муниципалдык ишканасынын башчысы Т. Жээнбековдун билдирүүсүн карап чыгып талкуулап, “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 34-беренесинин 11) бөлүкчөсүнө ылайык Курманжан Датка айылдык кеңеши токтом кылат:
- Курманжан Датка айыл аймагында элди ичүүчү жана сугат суу менен камсыз кылуу маселелери боюнча “Курманжан Датка таза суу, тазалык, жайыт жана көрктөндүрүү” муниципалдык ишканасынын аткарып жаткан иштери канааттандырылсын деп белгиленсин.
- “Курманжан Датка таза суу, тазалык, жайыт жана көрктөндүрүү” муниципалдык ишканасынын жайыт төлөмдөрү жана жайыт аянттары боюнча маалыматтарды берүү жагы ишкананын башчысына жүктөлсүн.
- Токтомдун аткарылышын көзөмөлдөө айылдык кеңештин Бюджет жана экономикалык маселелер боюнча туруктуу комиссияларына тапшырылсын.
- Бул токтом kurmanjan-datka.gov.kg сайытына жарыяланган күндөн тартып мыйзамдуу күчүнө кирет.
- Токтом мамлекеттик тилде гана кабыл алынды.
Төрага:
Д. Камчыбек уулу
Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык Кеңешинин 7-чакырылышынын кезектеги 18-отурумунун
ТОКТОМУ
24.11.2025 №18/4
Боз-Караган айылы
Жар-Кыштак айылындагы 4,6 га жер тилкесин трансформациядан чыгарып Курманжан Датка айыл аймагынын жарандары үчүн Мамлекеттик Ипотекалык Компания (МИК) тарабынан көп кабаттуу үй курууга сунуштоо жөнүндө
Курманжан Датка айылдык кеңешинин VII чакырылыштын депутаттарынын кезектеги 17-отуруму, Курманжан Датка айыл өкмөтүнүн башчысы Ж. Орозбай уулунун, Курманжан Датка айыл өкмөтүнө караштуу Жар-Кыштак айылындагы №1312, №571 жана №572 контурларында турган кайракы айдоо жана жайыт 4,6 га жер тилкесин трансформациядан чыгарып Мамлекеттик ипотекалык компаниясы тарабынан көп кабаттуу үй курууга сунуштоо жөнүндө баяндамасын угуп жана талкуулап, Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 34-беренесинин 5-17-пунктуна ылайык токтом кылат:
- Курманжан Датка айыл өкмөтүнө караштуу Жар-Кыштак айылындагы №1312, №571 жана №572 контурларында турган кайракы айдоо жана жайыт 4,6 га жер тилкесине трансформациялоо иштерин жүргүзүүгө берилсин.
- Аталган айылындагы №1312, №571 жана №572 контурларында турган кайракы айдоо жана жайыт турган 4,6 га жер тилкесине Мамлекеттик ипотекалык компаниясы тарабынан Курманжан Датка айыл өкмөтүнүн жарандары үчүн көп кабаттуу үй курууга сунуш берилсин.
- Тиешелүү иш-кагаздарын мыйзам чегинде тактап, иш-алып баруу жагы Курманжан Датка айыл өкмөтүнүн жер ресурстары жана өсүмдүктөрдү өстүрүү боюнча башкы адиси К. Пасаңовго милдеттендирилсин.
- Кабыл алынган токтомдун аткарылышын мыйзам чегинде камсыз кылуу жагы айыл өкмөтүнүн башчысы Ж. Орозбай уулуна милдеттендирилсин.
- Бул токтомдун мыйзамдуу аткарылышын көзөмөлдөө жагы Курманжан Датка айыл аймагынын айылдык кеңешинин агрардык жана жер реформасы, муниципалдык менчик боюнча маселелер боюнча туруктуу комиссиясына жүктөлсүн.
- Бул токтом kurmanjan-datka.gov.kg сайытына жарыяланган күндөн тартып мыйзамдуу күчүнө кирет.
- Токтом мамлекеттик тилде гана кабыл алынды.
Төрага:
Д. Камчыбек уулу
Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык Кеңешинин 7-чакырылышынын кезектеги 18-отурумунун
ТОКТОМУ
24.11.2025 №18/5
Боз-Караган айылы
Курманжан Датка айыл аймагына караштуу Кытай-Дөбө участкасынын Күңгөй каналынын чыгыш тарабынан 3,0 га жер бөлүп берүү жөнүндө
Курманжан Датка айылдык кеңешинин VII чакырылыштын депутаттарынын кезектеги 17-отуруму, Курманжан Датка айыл өкмөтүнүн жер ресурстары жана өсүмдүк өстүрүү боюнча башкы адиси К. Пасаңовдун, Курманжан Датка айыл өкмөтүнө караштуу Кара-Шоро айылындагы Кытай-Дөбө участкасынын Күңгөй каналдын чыгыш тарабынан маркумдарды көмүү боюнча бейитке 3,0 га жер тилкесин бөлүп берүү боюнча баяндамасын угуп жана талкуулап, Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 34-беренесинин 17-пунктуна ылайык токтом кылат:
- Курманжан Датка айыл өкмөтүнө караштуу Кара-Шоро айылындагы Кытай-Дөбө участкасынын Күңгөй каналдын чыгыш тарабынан маркумдарды көмүү боюнча бейитке 3,0 га жер тилкесин бөлүп берүүгө макулдук берилсин.
- Аталган участкага кетүүчү тиешелүү иш кагаздарын даярдоо жагы Кыргыз Республикасынын Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттиктин Алай филиалынан суралсын жана иш алып баруу жагы башкы адис К. Пасаңовго жүктөлсүн.
- Коңур-Дөбө айылдык кеңешинин 2021-жылдын 26-августундагы №3/2 сандуу чыгарылган токтому күчүн жоготту деп табылсын.
- Бул токтом kurmanjan-datka.gov.kg сайытына жарыяланган күндөн тартып мыйзамдуу күчүнө кирет.
- Токтом мамлекеттик тилде гана кабыл алынды.
Төрага:
Д. Камчыбек уулу
Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык Кеңешинин 7-чакырылышынын кезектеги 18-отурумунун
ТОКТОМУ
24.11.2025 №18/6
Боз-Караган айылы
Өзгөчө кырдаалдардын алдын алуу жана анын кесепеттерин жоюу боюнча айыл өкмөтүнүн даярдаган иш-чаралар Планын карап чыгуу жана бекитүү жөнүндө
Курманжан Датка айыл өкмөтүнүн коомдук коопсуздук боюнча жетектөөчү адисинин билдирүүсүн карап чыгып талкуулап, “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 34-беренесине ылайык Курманжан Датка айылдык кеңеши токтом кылат:
- Өзгөчө кырдаалдардын алдын алуу жана анын кесепеттерин жоюу боюнча иш-чаралар Планы бекитилсин.
- Бекитилген иш-чаралар планынын аткарылышы боюнча маалыматты даярдоо жагы айыл өкмөтүнүн коомдук коопсуздук боюнча жетектөөчү адиси Т. Эркинбай уулуна жүктөлсүн.
- Ушул токтомдун аткарылышын көзөмөлдөө жагы айыл өкмөтүнүн башчысы Ж. Орозбай уулуна тапшырылсын.
- Бул токтом kurmanjan-datka.gov.kg сайытына жарыяланган күндөн тартып мыйзамдуу күчүнө кирет.
- Токтом мамлекеттик тилде гана кабыл алынды.
Төрага:
Д. Камчыбек уулу
Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык Кеңешинин 7-чакырылышынын кезектеги 18-отурумунун
ТОКТОМУ
24.11.2025 №18/7
Боз-Караган айылы
Курманжан Датка айыл аймагынын социалдык-экономикалык өсүшүнө кошкон салымдары үчүн айылдык кеңешинин депутаттарын сыйлоо жөнүндө
Курманжан Датка айылдык кеңешинин төрагасы Д. Камчыбек улуунун айылдык кеңешинин депутаттарын сыйлыктарга көрсөтүү боюнча баяндамасын угуп жана талкуулап Курманжан Датка айылдык кеңешинин VII чакырылыштын депутаттарынын кезектеги 17-отуруму токтом кылат:
1. 2025-жыл ичинде Курманжан Датка айыл аймагынын социалдык-экономикалык өсүшүнө кошкон зор салымдары жана калк менен тыгыз иш алып баргандыгы, жергиликтүү маанидеги маселелерди чечүүдө активдүү катышкандыгы үчүн айылдык кеңешинин төмөндөгү депутаттары Курманжан Датка айылдык кеңешинин ардак грамотасы менен сыйланышсын.
- Исаев Аскербек Тынчыевич- Бюджет жана экономикалык маселелер боюнча туруктуу комиссиясынын төрагасы;
- Мамытов Максут Отонович- Агрардык маселелер жана жер реформасы боюнча туруктуу комиссиясынын төрагасы;
- Абеков Эркинбек Капарович- Мыйзамдуулук, этика маселелери боюнча туруктуу комиссиясынын төрагасы;
2. Сыйланган депутаттарга керектелүүчү грамоталар менен камсыздоо жагы айыл өкмөтүнүн башчысы Ж. Орозбай уулуна тапшырылсын.
3. Бул токтомдун аткарылышын көзөмөлдөө жагы жооптуу катчы Г. Кимсанбай кызына жүктөлсүн.
4. Бул токтом kurmanjan-datka.gov.kg сайытына жарыяланган күндөн тартып мыйзамдуу күчүнө кирет.
5. Токтом мамлекеттик тилде гана кабыл алынды.
Төрага:
Д. Камчыбек уулу
Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык Кеңешинин 7-чакырылышынын кезектеги 18-отурумунун
ТОКТОМУ
24.11.2025 №18/8
Боз-Караган айылы
Курманжан Датка айыл аймагына караштуу Кызыл-Ой айылынын кире бериш тарабындагы жер көчкү жүргөн участкага жер көчкү кооптуулугунан коргоочу тосмо куруу үчүн макулдук берүү жана көчкү кеткен жер участогун баланска алуу жөнүндө
Кыргыз Республикасынын Жер кодексинин айыл өкмөтүнүн жер мамилелерин жөнгө салуу жагынан компетенциясы жөнүндөгү 13-беренесинин 1-бөлүмчөсүнө ылайык Курманжан Датка айылдык кеңешинин 17-отуруму токтом кылат:
- Курманжан Датка айыл аймагына караштуу Кызыл-Ой айылынын кире бериш тарабындагы жер көчкү жүргөн участкага жер көчкү кооптуулугунан коргоочу тосмо куруу үчүн макулдук берилсин.
- Аталган жер участкасы айыл өкмөтүнүн балансасына алынсын.
- Курулуш иштерин жүргүзүү үчүн Кыргыз Республикасынын курулуш, архитектура жана турак жай-коммуналдык чарба министрлигинин алдындагы Шаар куруу жана архитектура департаментинин Алай райондук шаар куруу жана архитектура боюнча башкармалыгынан суралсын.
- Бул токтом kurmanjan-datka.gov.kg сайтына жарыялансын.
- Токтом жарыяланган күндөн тартып үч жумушчу күн ичинде эки нускада жарыялоонун булактары жөнүндө маалыматты көрсөтүү менен Кыргыз Республикасынын ченемдик укуктук актылардын мамлекеттик реестрине киргизүү үчун түштүк регионалдык Юстиция башкармалыгына жиберилсин.
- Бул токтомдун аткарылышын көзөмөлдөө жагы жооптуу катчы Г. Кимсанбай кызына тапшырылсын.
Төрага:
Д. Камчыбек уулу
Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык Кеңешинин 7-чакырылышынын кезектеги 18-отурумунун
ТОКТОМУ
24.11.2025 №18/9
Боз-Караган айылы
Курманжан Датка айыл аймагына караштуу Кара-Жыгач айылынан 390 чарчы метр жер тилкесин айылдык мечитке бөлүп берүү жөнүндө
Курманжан Датка айылдык кеңешинин VII чакырылыштын депутаттарынын кезектеги 17-отуруму, Курманжан Датка айыл өкмөтүнүн жер ресурстары жана өсүмдүк өстүрүү боюнча башкы адиси К. Пасаңовдун, Кара-Жыгач айылынан 390 чарчы метр жер тилкесин айылдык мечитке бөлүп берүү боюнча баяндамасын угуп жана талкуулап, Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 34-беренесинин 14-пунктуна ылайык токтом кылат:
- Курманжан Датка айыл өкмөтүнө караштуу Кара-Жыгач айылындагы мечитке 390 чарчы метр жер тилкесин бөлүп берүүгө макулдук берилсин.
- Аталган участкага кетүүчү тиешелүү иш кагаздарын даярдоо жагы Кыргыз Республикасынын Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттиктин Алай филиалынан суралсын жана иш алып баруу жагы башкы адис К. Пасаңовго жүктөлсүн.
- Бул токтом kurmanjan-datka.gov.kg сайытына жарыяланган күндөн тартып мыйзамдуу күчүнө кирет.
- Токтом мамлекеттик тилде гана кабыл алынды.
Төрага:
Д. Камчыбек уулу
Кыргыз Республикасы
Ош облусу
Алай району
Курманжан Датка айыл аймагынын Айылдык Кеңеши
Кыргызская Республика
Ошская область
Алайский район
Айыльный Кеңеш Курманжан Даткинского айыльного аймака
Курманжан Датка айылдык кеңешинин 7-чакырылышынын кезектеги 18-отурумунун
ТОКТОМУ
24.11.2025 №18/10
Боз-Караган айылы
Лизингке “Курманжан Датка таза суу, тазалык, жайыт жана көрктөндүрүү” муниципалдык ишканасына атайын багыттагы (спец) техникаларды алуу боюнча ыйгарым укук берүү жөнүндө
Кыргыз Республикасынын Жергиликтүү өз алдынча башкаруу жөнүндөгү мыйзамынын 3-главасынын 34-беренесине ылайык, Курманжан Датка айыл өкмөтүнүн ишмердүүлүгүн жакшыртуу жана калкка ыкчам кызмат көрсөтүүнү камсыз кылуу максатында, Курманжан Датка айылдык кеңеши токтом кылат:
- Курманжан Датка айыл өкмөтүнүн башчысы Орозбай уулу Жеңишбек Кыргыз Республикасынын белгиленген тартибине ылайык, “Мамлекеттик лизинг компаниясы” ААКсы менен “Курманжан Датка таза суу, тазалык, жайыт жана көрктөндүрүү” муниципалдык ишканасына атайын багыттагы (спец) техникаларды алуу боюнча лизинг келишимин түзүү үчүн ыйгарым укуктуу деп табылсын.
- Лизингке алынуучу атайын багыттагы (спец) техникалар дөңгөлөктүү экскаватор (HYUNDAI R140 W-9S) жана SHACMAN (көтөрүмдүүлүгү 15 тн) үчүн төлөмдөрдү аткаруу максатында, Курманжан Датка айыл өкмөтүнөн 2026-жылдан тартып, түзүлгөн график боюнча 30% суммасын төлөө жолу менен 6 (алты) жылдык мөөнөткө жергиликтүү бюджетинен каражат каралсын.
- Курманжан Датка айыл өкмөтүнүн башчысы лизинг келишиминин талаптарын аткаруу жана милдеттенмелерди өз убагында камсыз кылуу боюнча жооптуу болуп эсептелсин.
- Ушул токтомдун аткарылышын көзөмөлдөө айылдык кеңештин бюджет жана экономикалык маселелер боюнча туруктуу комиссиясына жүктөлсүн.
- Бул токтом http://kurmanjan-datka.gov.kg сайытына жарыяланган күндөн тартып мыйзамдуу күчүнө кирет.